“დიდი შვიდიანის” საგარეო საქმეთა მინისტრები რუსეთისა და სირიის წინააღმდეგ ახალი სანქციების დაწესებაზე ვერ შეთანხმდენენ.

ორდღიანი სამიტის დასრულების შემდეგ, იტალიის საგარეო საქმეთა მინისტრმა განაცხადა, რომ ბრიტანეთის მიერ წარდგენილ ინიციატივაზე კონსენსუსის მიღწევა არ მოხერხდა.

სამიტის წევრები შეთანხმდნენ, რომ პრეზიდენტ ბაშარ ასადის პრეზიდენტობის დროს სირიის კრიზისი ვერ მოგვარდება, თუმცა სამხედრო ლიდერების მიმართ სანქციების შემოღების საკითხი ჩავარდა.

გავრცელებული ცნობით, სირიისა და რუსეთის წინააღმდეგ სანქციების საკითხი აქტუალური იქამდე არ გახდება, ვიდრე გასულ კვირას სირიაში სავარაუდო ქიმიური იარაღის გამოყენებაზე გამოძიება არ დასრულდება.