რეგიონული განვითარებისა და ინფრასტრუქტურის სამინისტრო ახალ გზას აშენებს, ამჯერად - სიღნაღის მუნიციპალიტეტის სოფელ ვაქირში, სადაც საავტომობილო გზა არ არსებობდა.

ერთ კილომეტრ სიგრძეზე ექვსი მეტრი სიგანის ასფალტო - ბეტონის გზა დაიგება და მოეწყობა სანიაღვრე არხები. პროექტის დონორი ევროპის საინვესტიციო ბანკია და სამუშაოებზე ნახევარ მილიონ ლარამდე დაიხარჯება.

ვაქირში მიმდინარე სამუშაოსთან ერთად, ინფრასტრუქტურის მინისტრმა გზების რეაბილიტაციის პროცესი შეამოწმა.

ზურაბ ალავიძის განცხადებით, ქვეყნის მასშტაბით, ზამთარში დაზიანებული მონაკვეთების უმეტესი ნაწილი თვის ბოლომდე მოწესრიგდება.