კრივში სტარტი აიღო ლეგენდარული ქართველი სპორტსმენის დავით კვაჭაძის სახელობის საერთაშორისო ტურნირმა. შეჯიბრება სპორტისა და ახალგაზრდობის საქმეთა სამინისტროსა და თბილისის მერიის მხარდაჭერით ტარდება. ტურნირი, რომელიც ძიუდოს აკადემიის დარბაზში მიმდინარეობს, ამჯერად 7 ქვეყნის 60-მდე სპორტსმენი გამოდის. ასპარეზობა საზეიმოგახსნის ცერემონიით დაიწყო, რომელსაც კრივის ფედერაციის ხელმძღვანელებთან ერთად, ვეტერანი სპორტსმენები, სახელმწიფო უწყებების ხელმძღვანელები და სხვა საპატიო პირები ესწრებოდნენ. ტურნირი 14 აპრილამდე გაგრძელდება, როდესაც ფინალური შეხვედრები გაიმართება. საქართველოდან, კრივში პირველი ევროპის ჩემპიონისა და საბჭოთა კავშირის სამგზის ჩემპიონის სახელობის შეჯიბრება წელს პირველად ტარდება და ის ტრადიციული იქნება.