ყოველწლიური ანგარიშით წარდგა თბილისის მერი. ერთსაათიან გამოსვლაში აქცენტი ინფრასტრუქტურულ პროექტებზე, მრავალსართულიანი პარკინგების მოწყობაზე და ახალი ავტობუსების შემოყვანაზე გაკეთდა.

დავით ნარმანიამ ვრცლად ისაუბრა ,,ახალი ტფილისის” პროექტზე და ქალაქის გამწვანებაზეც.

როგორც მოსალოდნელი იყო, შეხვედრამ დაძაბულ რეჟიმში ჩაიარა. ოპოზიციამ მერი მოსამართლის ძმისთვის გადაცემული ქონების გამო გააკრიტიკა. კითხვები დაისვა გარემოვაჭრეებზეც.

ნარმანიას ასევე ჰკითხეს, იყრის თუ არა კიდევ ერთხელ კენჭს მოახლოებულ არჩევნებზე.