სწორედ რუსეთის საოკუპაციო პოლიტიკის და მოსკოვის ბოლოდროინდელი პროვოკაციული ქმედებების დასაგმობად საპარლამენტო უმცირესობა რეზოლუციის მიღებას ითხოვს.
,,ევროპული საქართველოს” წევრების მიერ მომზადებულ ტექსტში ანექსიისკენ გადადგმულ ნაბიჯად არის შეფასებული ოკუპირებულ აფხაზეთში დამატებითი რუსული მძიმე შეიარაღების შეყვანა, სამხედრო წვრთნების გაგრძელება და რუსეთსა და ოკუპირებულ რეგიონებს შორის ე. წ მოკავშირეობისა და სტრატეგიული პარტნიორობის შესახებ ხელშეკრულებები.
პროექტის შინაარსი დღეს საგარეო ურთიერთობათა კომიტეტში განიხილეს, თუმცა კომიტეტმა რეზოლუციის მიღებას მხარი არ დაუჭირა.
უმრავლესობის შეფასებით, მთავრობას ამ კუთხით მკაფიო საგარეო კურსი აქვს, ოპოზიცია კი საკითხს შიდაპოლიტიკური სპეკულაციისთვის იყენებს.