უთანხმოება გრძელდება პრეზიდენტის არაპირდაპირი წესით არჩევის საკითხის გარშემოც. საკონსტიტუციო კომისიის რამდენიმე წევრის პრეტენზია ამჯერად თარიღს უკავშირდება.

არასაპარლამენტო ოპოზიციის ნაწილი ვარაუდობს, რომ მმართველი გუნდი პოზიციას შეცვლის და პრეზიდენტის ირიბი წესით არჩევის თარიღად 2018 წლის შემდგომი არჩევნების ნაცვლად, მომავალ საპრეზიდენტო არჩევნებს განსაზღვრავს.

დავის მიზეზად რჩება ქორწინებასთან დაკავშირებული დეფინიციაც. არასამთავრობო ორგანიზაციების მოთხოვნის მიუხედავად, ქვეყნის უზენაეს კანონში სხვა სამოქალაქო კავშირების შესახებ ჩანაწერი არ იქნება.