საქართველოს ფუტსალის ნაკრები ევროპის ჩემპიონატის პლეი-ოფშია. თბილისში გამართული საკვალიფიკაციო ეტაპის მეინ რაუნდი ავთანდილ ასათიანის გუნდმა დაუმარცხებლად ჩაატარა და ჯგუფში მეორე ადგილზე გავიდა.

ბოლო ტურში საქართველოს ნაკრებმა ფრედ 2:2 ითამაშა იტალიასთან, რომელიც მსოფლიო რეიტინგში მეხუთე პოზიციაზეა.

აღსანიშნავია, რომ მასპინძლები 0-2-ს აგებდნენ, თუმცა, თოდუამ და კაკაბაძემ ორჯერ აიღეს მეტოქის კარი და ჩვენმა ნაკრებმა სასურველ შედეგს მიაღწია.

პლეი-ოფის წილისყრა 6 ივლისს გაიმართება. მატჩები კი სექტემბრში შედგება. ევროპის ჩემპიონატი. 30 იანვრიდან 10 თებერვლის ჩათვლით სლოვენიის დედაქალაქ ლიუბლიანაში ჩატარდება.