აპრილი 12, 2017
338
ვირტუალური ვალუტა, რომლის აკრძალვასაც რუსეთი ჯერ კიდევ გასულ წელს აპირებდა, 2018 წლიდან, შესაძლოა, ქვეყანაში ლეგალური გახდეს. ამის შესახებ რუსეთის ფინანსთა მინისტრის მოადგილემ ალექსი მოისეევმა განაცხადა.
"ბლუმბერგისთვის" მიცემულ ინტერვიუში მან აღნიშნა, რომ სახელმწიფომ უნდა იცოდეს ფინანსური ოპერაციის ყველა მონაწილის ვინაობა, ხოლო ტრანზაქციის მონაწილეები ჩვეულებრივი საბანკო ოპერაციის მსგავსად, საქმის კურსში უნდა იყვნენ, თუ ვისთან ვაჭრობენ.
აღსანიშნავია, რომ კრიპტოვალუტა მფლობელის სრული ანონიმურობის გარანტიას იძლევა და მისი რეგულირება არცერთ სახელმწიფოში არ ხდება. თუმცა, ბოლო დროს გარკვეული შეზღუდვები რამდენიმე ქვეყანაში მაინც დაწესდა.
მაჩვენე მეტი