ინდოეთთან თავისუფალი ვაჭრობის შეთანხმების მიზანშეწონილობის შესახებ, წინასწარი კვლევა იწყება – შესაბამის დოკუმენტს ხელი ნიუ-დელიში ეკონომიკის მინისტრმა და ინდოეთის კომერციისა და მრეწველობის მინისტრმა მოაწერეს. სწორედ ამ კვლევის შედეგების გათვალისწინებით იქნება მიღებული გადაწყვეტილება, საქართველოსა და ინდოეთს შორის თავისუფალი ვაჭრობის თაობაზე მოლაპარაკებების დაწყების შესახებ.

ორივე მხარის შეთანხმების თანახმად, კვლევა მაქსიმუმ 8 თვეში უნდა დასრულდეს. შეთანხმების გაფორმების შემთხვევაში, ქართულ პროდუქციას დამატებით მსოფლიოს ერთ–ერთი უმსხვილესი ბაზარი გაეხსნება.