დღეს დიდი ხუთშაბათია. დღე, როდესაც სახარების მიხედვით, ქრისტემ თავის მოწაფეები პირველად აზიარა.

ტაძრებში საზეიმო წირვა ჩატარდა. სამების საკათედრო ტაძარში ლიტურგია კათოლიკოს-პატრიარქმა აღავლინა, წირვის შემდეგ კი ფეხთბანვის რიტუალი შესრულდა. ეს სახარებისეული ეპიზოდის გახსენებაა, როდესაც ქრისტემ თავის 12 მოწაფეს ფეხი დაბანა. სამების ტაძარში, 12 მღვდელს ფეხს პატრიარქი ბანს. ილია მეორემ მრევლს ქადაგებითაც მიმართა და ზიარების მნიშვნელობაზე ისაუბრა.

დიდი ხუთშაბათის კიდევ ერთი ღვთისმსახურება 12 სახარების კითხვა, რომლის დროსაც მაცხოვრის გაცემის, შეპყრობისა და წამების შესახებ ეპიზოდები იკითხება.

სამების ტაძარში 12 სახარების კითხვა 19 საათზე დაიწყება