თურქეთის შინაგან საქმეთა სამინისტროს განცხადებით, 12 აპრილს ჩატარებული ანტიტერორისტული ოპერაციის ფარგლებში, 412 ადამიანი დააკავეს, რომლებიც ეჭვმიტანილი არიან ტერორისტული ორგანიზაცია „ქურთისტანის მუშათა პარტიის“ საქმიანობაში.

ანტიტერორისტული ოპერაცია თურქეთის 21 პროვინციაში ჩატარდა. რეიდის შედეგად, კონკრეტულ მისამართებზე, სადაც დაკავებულები ცხოვრობდნენ, დიდი რაოდენობით იარაღი, საბრძოლო მასალა და დოკუმენტაცია ამოიღეს.

6-12 აპრილის პერიოდში თურქეთში „ისლამური სახელმწიფოს“ 131 ტერორისტიც დააკავეს.