ერთ-ერთი მთავარი საკონსტიტუციო ცვლილების გარშემო, მმართველ პარტიაშიც აზრთა სხვადასხვაობაა.
ქართული ოცნების მაჟორიტარების ნაწილი მაჟორიტარული სისტემის გაუქმებას მხარს არ უჭერს. და ეს იმ ფონზე, როცა საპარლამენტო უმრავლესობას შერეულიდან პროპორციულ მოდელზე გადასვლა საჯაროდ აქვს დაანონსებული.
შესაბამისი წინადადება საკონსტიტუციო ცვლილებების პროექტშიც არის ასახული, რომელიც თვის ბოლოს პარლამენტს უნდა წარედგინოს.
სწორედ მაჟორიტარებს შორის არსებული აზრთა სხვადასხვაობის გამო, ოპოზიცია ვარაუდობს, რომ მმართველი გუნდი პოზიციას შეიცვლის და ახალი საარჩევნო სისტემის ამოქმედებას 2024 წლის არჩევნებისთვის გადადებს.
საკონსტიტუციო ცვლილების მისაღებად მინიმუმ 114-ი დეპუტატის მხარდაჭერაა საჭირო, რაც შექმნილ ვითარებაში, შესაძლოა, ეჭვქვეშ დადგეს.