შეერთებული შტატების სახელმწიფო მდივნისა და რუსეთის პრეზიდენტის შეხვედრა მოსკოვში თითქმის 2 საათს გაგრძელდა. რექს ტილერსონის რუსეთში ვიზიტის მთავარი თემა სირიის კრიზისი იყო. ვლადიმერ პუტინს სახელმწიფო მდივანთან შეხვედრის შემდეგ განცხადება არ გაუკეთებია. ვიზიტის შემაჯამებელი ბრიფინგი ტილერსონმა და მისმა რუსმა კოლეგა, სერგეი ლავროვმა გამართეს. როგორც მხარეები აღნიშნავენ, მათი პოზიცია სირიაში მიმდინარე მოვლენებთან მიმართებაში კვლავ რადიკალურად განსხვავდება. შტატები ასადის რეჟიმის დასრულებას აუცილებლად მიიჩნევს და მას ქიმიური იარაღის გამოყენებაში ადანაშაულებს. ფაქტს კვლავ უარყოფს რუსეთი.
სირიაში ქიმიური თავდასხმის შესახებ რეზოლუცია გაეროს უშიშროების საბჭოში რუსეთმა დაბლოკა. სირიის ექვს წლიანი ომის განმავლობაში ეს უკვე მერვე შემთხვევაა, როდესაც რუსეთმა ვეტო გამოიყენა. რეზოლუცია, რომელიც ბრიტანეთმა, შტატებმა და საფრანგეთმა შეიმშავეს, სირიის სამხედრო ძალებს ავალდებუელბდა, ქიმიური თავდასხმის გამოძიების ფარგლებში, გაეროსთვის მიეცათ სრული წვდომა მათი სამხედრო ოპერაციის დეტალების შესახებ. რუსეთის ვეტომ შეერთებული შტატების უკმაყოფილება გამოიწვია.