"ტესლა" სექტემბრისთვის სატვირთო ელექტრომობილს გამოუშვებს. ამის შესახებ კომპანიის ხელმძღვანელმა ილონ მასკმა "ტვიტერზე" განაცხადა. ახალი ელექტრომობილების წარმოების დაწყება მასკმა გასულ წელს დააანონსა.

მისი განცხადებით, "ტესლა" ყველა ტიპის ელექტრომობილის კომერციალიზაციას აპირებს და 18-დან 24 თვეში "ტესლას" მოდელებს პიკაპის ტიპის ავტომანქანაც შეემატება.

მასკის განცხადების შემდეგ კომპანიის აქციების ფასი თითქმის 3 პროცენტით გაიზარდა და აქციაზე 8 დოლარი და 14 ცენტი შეადგინა. მთლიანობაში "ტესლას" აქციები წლის დასაწყისიდან 41 პროცენტით გაიზარდა, რაც რეკორდული მაჩვენებელია და პირველად ამერიკული ავტოინდუსტრიის ისტორიაში, "ტესლამ" კაპიტალიზაციით "ჯენერალ მოტორსს" გაასწრო.