"ბოინგმა" თავისი ახალი მოდელის, "ბოინგ 737 მაქს 9"-ს პირველი ფრენა წარმატებით განახორციელა. კომპანიის ინფორმაციით, ლაინერი საათში საშუალოდ 840 კილომეტრს ავითარებს და 6 500 კილომეტრის დაფარვა შეუძლია.

ახალი "ბოინგი" საუკეთესოა კომპანიის აქამდე არსებულ ვერსიებს შორის, და იგი კონკურენციას, სავარაუდოდ, "ეარბასის ეი-321-ნეო"-ს გაუწევს.

გავრცელებული ცნობით, ამ დროისთვის სხვადასხვა ქვეყნის 86 კომპანიისგან "ბოინგმა" უკვე მიიღო 3 700-ზე მეტი შეკვეთა. ახალი "ბოინგი" ექსპლოატაციაში უკვე 2018 წლიდან შევა. 2020 წლამდე კი კომპანია ხუთი მოდელის გამოშვებას გეგმავს.