მარტში უცხოეთიდან გზავნილები 23 პროცენტით გაიზარდა. ფულადი გადმორიცხვების მოცულობამ 112 მილიონი დოლარი შეადგინა, თებერვალთან შედარებით ზრდა 19%-ია, ხოლო წლიური ზრდა 23%. ყველაზე მეტი – 38 მლნ დოლარზე მეტი, რუსეთიდან არის გადმორიცხული. მე-2 ადგილზეა, 12 მილიონამდე გზავნილით აშშ, შემდეგ მოდის საბერძნეთი და იტალია.

რაც შეეხება საქართველოდან განხორციელებულ გზავნილებს, მოცულობა წინა წლის მარტთან შედარებით, 300 000 დოლარით არის გაზრდილი და 1 მილიონ 600 ათას დოლარს შეადგენს.