აპრილი 14, 2017
112
სულ მცირე, 97 აფრიკელ მიგრანტს, მათ შორის ქალებსა და ბავშვებს ეძებენ ლიბიის სანაპიროებთან, სადაც მათი ნავი ჩაიძირა.
ამის შესახებ „ბი-ბი-სი“ ლიბიის სანაპირო დაცვის სამსახურზე დაყრდნობით იუწყება. ამ დროისთვის 23 მამაკაცის პოვნა მოხერხდა, რომლებმაც წყლის ზედაპირზე გაჩერება შეძლეს.
მათი განცხადებით, ნავი, რომელშიც იმყოფებოდნენ, ტრიპოლიდან 10 კილომეტრში ჩაიძირა. დაკარგულთა შორის 15 ქალი და ხუთი ბავშვია.
სანაპირო დაცვის სამსახურის ცნობით, სამაშველო ოპერაცია გრძელდება. თუმცა, მათი განცხადებით, დაკარგულთა ცოცხლად პოვნის შანსი ნაკლებია.
მიგრაციის საერთაშორისო ორგანიზაციის ცნობით, მხოლოდ წელს ლიბიის სანაპიროებთან 600-მდე მიგრანტი გარდაიცვალა ან უგზო-უკვლოდ დაიკარგა.
მაჩვენე მეტი