როდის აირჩევა საქართველოს პრეზიდენტი განახლებული წესით, ჯერჯერობით უცნობია. სხვადასხვა ვერსია ვრცლედება უმრავლესობის მხრიდან.

მამუკა მდინარაძე ამბობს, რომ იმ პროექტის მიხედვით, რომელსაც საკონსტიტუციო კომისია განიხილავს, პრეზიდენტის არაპირდაპირი წესით არჩევა 2023 წელს უნდა მოხდეს, მომდევნო არჩევნები კი კვლავ პირდაპირი წესით მოხდება.

მდინარაძის თქმით, ეს საბოლოო გადაწყვეტილება არ არის, რადგან წინ საერთო სახალხო და საპარლამენტო განხილვებია ჩასატარებელი. ზვიად ძიძიგური კი ამბობს, თარიღთან დაკავშირებით გადაწყვეტილება საქართველოს პარლამენტმა უნდა მიიღოს, რადგან საკონსტიტუციო კომისია მუშაობის ფარგლებში მხოლოდ კონსტიტუციის ახალი რედაქციის ვერსიაზე მუშაობს.