69-ს მინუს ერთი - მომავალ კვირას გახდება ცნობილი, შეუერთდება თუ არა „ნაციონალური მოძრაობის“ ბოიკოტს დანარჩენი ოპოზიცია.
სამშაბათს დაგეგმილ სხდომაზე საკონსტიტუციო კომისია ცვლილებების საბოლოო პროექტს წარადგენს. სწორედ ამ პროექტის შინაარსზე იქნება დამოკიდებული, დარჩებიან თუ არა საპარლამენტო და არასაპარლამენტო ოპოზიციური პარტიები კომისიაში. ოპონენტები მმართველ პარტიას საკუთარ პირობებს უყენებენ.
პროტესტი პრეზიდენტის არჩევის წესს და საპარლამენტო არჩევნების ჩატარების ახალ მოდელს უკავშირდება. ოპონენტებისთვის გადაუნაწილებელი მანდატების განაწილების პრინციპი და უცვლელად დატოვებული ბარიერია მიუღებელია.
ოპოზიციას ასევე აინტერესებს, როდიდან ამოქმედდება პრეზიდენტის არაპირდაპირი არჩევის წესი. მმართველი გუნდი ოპონენტებს ახსენებს, რომ მათი ერთ-ერთი მთავარი მოთხოვნა-მაჟორიტარული სისტემის გაუქმება, დაკმაყოფილებულია.