ირანის საპრეზიდენტო არჩევნებში მონაწილეობის მისაღებად 1600 კანდიდატი დარეგისტრიდა. რეგისტრაციის პროცესი 15 აპრილს დასრულდა. საპრეზიდენტო არჩევნები ირანში 19 მაისს გაიმართება.

დარეგისტრირებული კანდიდატებიდან 137 ქალია, 1499 – კაცი. ყველაზე ახალგაზრდა კანდიდატი 18 წლისაა, უხუცესი – 92 წლის.

რეგისტრაციის ბოლო დღეს ,დარეგისტრირდნენ ირანის პირველი ვიცეპრეზიდენტი ისხაკ ჯაჰანგირი და თეირანის მერი მოჰამედ ბაგერ გალიბაფი, რომელიც კონსერვატორების კოალიციას წარმოადგენს.

არჩევნებში ასევე დარეგისტრირდა ირანის უმაღლესი ლიდერის, აიათოლა ალი ჰამენეის ახლო თანამებრძოლი იბრაჰიმ რაისი, რომელიც მედიის ცნობით, ირანის მოქმედი პრეზიდენტის ჰასან როუჰანის ყველაზე რეალური კონკურენტია.

როუჰანმა მეორე ვადით კენჭისყრა გადაწყვიტა. არჩევნებში მონაწილეობს ასევე ირანის ყოფილი პრეზიდენტი მაჰმუდ აჰმადინეჯადი. 16 აპრილიდან კანდიდატების შერჩევა დაიწყება. ირანის კონსტიტუციის გუშაგთა საბჭო 16-დან 20 აპრილამდე კანდიდატებს კომპეტენტურობის მიხედვით შეისწავლის.

27 აპრილს, ირანი უკვე დადასტურებულ კანდიდატთა საბოლო სიას გამაოქვეყნებს. ირანის შინაგან საქმეთა სამინისტროს ინფორმაციით, უკვე 28 აპრილიდან კანდიდატები საარჩევნო კამპანიას დაიწყებენ.