სირიაში გუშინ მომხდარ ავტობუსის აფეთქებას 126 ადამიანი ემსხვერპლა, აქედან 68 ბავშვია. BBC-ის ინფორმაციით, შემთხვევა იმ ადგილზე მოხდა, სადაც ალეპოს ალყაშემორტყმული ტერიტორიიდან ევაკუირებული მოქალაქეები მთავრობის მიერ კონტროლირებულ ტერიტორიაზე გადაჰყავდათ.

​აფეთქების დროს დაიღუპნენ მშვიდობიანი მოქალაქეები და ჯარისკაცებიც. ასევე, დაღუპულებზე მეტნი არიან დაშავებულები. ამის შესახებ ინფორმაციას ბრიტანეთში დაფუძნებული სირიის ადამიანთა უფლებების მონიტორინგის ჯგუფი ავრცელებს.

​შემთხვევა რომის პაპმა ფრანცისკემაც დაგმო.