თურქეთში საპროტესტო გამოსვლები დაიწყო. ქვეყნის პრეზიდენტი განუსაზღვრელი ძალაუფლების მოპოვებას ზეიმობს.
რეფერენდუმის გზით მასშტაბური საკონსტიტუციო ცვლილებები მხარდაჭერილია. გამოკითხულთა 51%-მა ქვეყნის საპრეზიდენტო მმართველობაზე გადასვლაზე თანხმობა განაცხადა.
არჩევანი გააკეთეს საქართველოში მცხოვრებმა თურქეთის მოქალაქეებმაც, თუმცა უმრავლესობის პასუხი იყო არა.
თურქეთში ახალი პოლიტიკური რეალობა იქმნება. მკვეთრად იზრდება ქვეყნის პირველი პირის უფლებამოსილება და მისი საპრეზიდენტო ვადა. მოსამართლეების და პროკურორების დანიშვნის, ასევე პარლამენტის დათხოვნის უფლების გარდა, საკონსტიტუციო ცვლილებები ერდოღანს ქვეყნის სათავეში 2029 წლამდე დარჩენის შანსსაც აძლევს.
ოპოზიცია და საზოგადოების ნაწილი რეფერენდუმის შედეგების გასაჩივრებისთვის ემზადება.
რატი ხვისტანი განავრცობს თემას სტამბოლიდან.