სერგეი ლავროვთან შეხვედრის შემდეგ ესტუმრა საქართველოს ირანის პირველი დიპლომატი. ვიზიტის დროს განსაკუთრებული აქცენტი სავაჭრო-ეკონომიკური თანამშრომლობის გაძლიერებაზე გაკეთდა.

დღის წესრიგში იყო მასშტაბური ეკონომიკური პროექტის განხილვაც. იგულიხმება სატრანზიტო დერეფნის მშენებლობა, რომელმაც სპარსეთის ყურედან საქართველოს გავლით ტვირთის ევროპაში ტრანზიტი უნდა უზრუნველყოს.

მაღალი რანგის სტუმარს თან ირანელი ბიზნესმენებიც ახლდნენ, რომლებიც საქართველოს საინვესტიციო პოტენციალს პირადად გაეცნენ.