უხელფასოდ შესრულებული სამუშაოები: პრემიერის მწვავე განცხადების მიუხედავად, რეგიონებში სახელმწიფო ტენდერებთან დაკავშირებული პრობლემა ისევ მწვავედ დგას.

ათეულობით მუშა ტენდერში გამარჯვებული კომპანიიდან კუთვნილ ანაზღაურებას დროულად კვლავ ვერ იღებს.

მუნიციპალიტეტები პასუხისმგებლობას იხსნიან, რადგან კანონმდებლობით დამსაქმებელ კომპანიასა და დასაქმებულებს შორის დავაში ჩარევის უფლება არ აქვთ. სწორედ ამ გარემოების გათვალისწინებით, მესამე სექტორი კანონში ცვლილებებს ითხოვს.

შეგახსენებთ, რომ ხელფასების დაგვიანების გამო ერთი თვის წინ პრემიერმა გამგებლები მკაცრად გააფრთხილა და მსგავს შემთხვევებზე სათანადო რეაგირება მოითხოვა.