ექვსთვიანი უთანხმოების შემდეგ ნდობის ჯგუფი არასრული შემადგენლობით იკრიბება. საპარლამენტო უმრავლესობის კვოტებს ეკა ბესელია და არჩილ თალაკვაძე შეავსებენ, უმცირესობიდან კი ჯგუფში ირაკლი აბესაძე იქნება წარმოდგენილი. ამ დრომდე დავის საგანია მეხუთე ვაკანტური ადგილი, რომელზეც საკუთარი კანდიდატურა უმრავლესობა-უმცირესობის მიღმა მყოფმა პარტიებმა უნდა წარადგინონ, თუმცა პატრიოტთა ალიანსი, ნაციონალური მოძრაობა და დამოუკიდებელი დეპუტატი სალომე ზურაბიშვილი საერთო კანდიდატზე ისევ ვერ თანხმდება.

დარჩენილი კვოტის შესავსებად მმართველი გუნდი საკანონმდებლო ცვლილებებს აანონსებს.