ჩხუბით დასრულდა ვახტანგ გომელაურის მოსმენა პარლამენტში. ფორმატის გარშემო დაწყებული კამათი იმდენად გამწვავდა, რომ დარბაზში შესვენების გამოცხადება გახდა საჭირო.
ყურადღების ცენტრში ემზარ კვიციანი იყო, რომელმაც გიგა ბოკერიას უცხო ქვეყნის რეზიდენტი უწოდა და წყალი შეასხა. ოპოზიციის მოთხოვნის და პროტესტის მიუხედავად, 99 ხმით სხდომის მეორე ნაწილი დაიხურა.
მოადგილის შემდეგ 2016 წლის 27-გვერდიანი ანგარიში დეპუტატებს ამჯერად სუს-ის უფროსმა გააცნო. მთავარ გამოწვევებად რუსული ოკუპაცია, გახშირებული გატაცებები და ტერორიზმი დასახელდა.
გომელაურმა უცხო ქვეყნების სპეცსამსახურებთან გამოვლენილ საეჭვო კავშირებზე და საჯარო უწყებებში კორუფციის აღსაკვეთად გატარებულ ზომებზეც ისაუბრა.
სხდომაზე დაწყებული უთანხმოება დარბაზს გარეთაც გაგრძელდა. უმცირესობის ერთ-ერთ დეპუტატს მისივე თანაგუნდელის მიერ ნასროლი საგანი მოხვდა.
ნათია ქენქაძე განავრცობს თემას.