28 წლის წინ, სტიქიის შედეგად დაღუპული ადამიანები გაიხსენეს ხულოს რაიონის სოფელ წაბლანაში.

1989 წლის 19 აპრილს, მთიდან ჩამოწოლილმა მეწყერმა მთლიანად ჩაიყოლა სოფლის ერთი უბანი. დაიღუპა 23 ადამიანი. წაბლანას, დღეს, საქართველოს პრემიერ-მინისტრი ეწვია. გიორგი კვირიკაშვილი დაღუპულთა ახლობლებს შეხვდა და ტრაგედიის შედეგად დაზარალებულებს, რომელთა ნაწილს საკუთარი საცხოვრებელი დღემდე არ აქვს, პრობლემის საბოლოოდ მოგვარებას უახლოესი მომავლისთვის დაპირდა.

პრემიერმა განსაკუთრებული ყურადღება აჭარის მაღალმთიანეთში მოსახლეობის პრობლემების მოგვარებას დაუთმო.