ქართული მედიის ყურადღების ცენტრში ექცევა ირანის საგარეო საქმეთა სამინისტროს ვებგვერდზე გამოქვეყნებული ინფორმაციაც.
განცხადება თბილისში ირანის პირველი დიპლომატის ოფიციალურ ვიზიტს ეხება. თუ ტექსტს დავეყრდნობით, გიორგი კვირიკაშვილთან შეხვედრაზე მინისტრმა ზარიფმა საქართველოში ისლამური ჰიჯაბისადმი უპატივცემულობის ფაქტებიც განიხილა. როგორც განცხადებიდან ირკვევა, პასუხად პრემიერმა კვირიკაშვილმა საკითხის შესწავლის პირობა დადო, თუმცა 18 აპრილს, ანუ ირანის საგარეო საქმეთა მინისტრის ვიზიტის დასრულების დღეს გამოქვეყნებული ტექსტის შინაარსი ორ დღეში შეიცვალა.
ოფიციალური თბილისი ჯერ დუმს. ირანის საგარეო უწყების განცხადების თავდაპირველ ვარიანტზე ღიად მხოლოდ ადგილობრივი მედია საუბრობს და კონკრეტულ შემთხვევასაც ასახელებს.
მიშა ფეიქრიშვილი განავრცობს თემას.