დღეს, დინამოს საფეხბურთო აკადემიაში საზეიმო ვითარებაში გაიხსნა ლეგენდარული ქართველი ფეხბურთელის, ვიტალი დარასელიას სახელობის საერთაშორისო ტურნირი, რომელშიც მონაწილეობას 2001 წელს დაბადებულ ფეხბურთელთა შორის რვა გუნდი იღებს, მათ შორის მილანის ინტერი, ჰოლანდიური ალკმაარი, ზაგრების დინამო და სხვა.

გახსნის ოფიციალური ცერემონიის შემდეგ, პირველი ტურის შეხვედრები გაიამართა. თბილისის დინამომ ბელგიურ გენტს უმასპინძლა და სამწუხაროდ 0-2 დამარცხდა. ამავე ჯგუფში მილანის ინტერმა ანგარიშით 2-1 აზერბაიჯანის გაბალას მოუგო.

დინამოელები მეორე ტურის შეხვედრაში გაბალას დაუპირისპირდებიან. თამაში ხვალ,16 საათზე დაიწყება.