პრეზიდენტს ფაქტობრივად აღარ აქვს რეალურად ის მცირედი უფლებებიც, რაც 2013 წლიდან ჰქონდა,- ამის შესახებ საქართველოს პრეზიდენტმა, გიორგი მარგველაშვილმა ბათუმში, სტუდენტებთან შეხვედრაზე გააკეთა.
როგორც მარგველაშვილმა აღნიშნა, ყველაზე საშიში მდგომარეობს იმაში, რომ ფაქტობრივად ქვეყანას აღარ ეყოლება მთავარსარდალ, გამქრალია უშიშროების საბჭოც.
„ყველაზე საშიში მდგომარეობს იმაში, რომ ფაქტობრივად ქვეყანას აღარ ეყოლება მთავარსარდალი. მთავარსარდალი, რომელიც რეალურად უზრუნველყოფს როგორც სამხედრო ძალებზე სამოქალაქო კონტროლს, ასევე ჩვენი რეგიონის ქვეყანაში ეფექტურ თავდაცვით საქმიანობას და თავდაცვისუნარიანობის აღმშენებლობას. გამქრალია უშიშროების საბჭო და რეალურად პრეზიდენტი, რომელსაც ფორმალურად ევალება ომის შემთხვევაში იყოს მთავარსარდალი, ყოველგვარი კომპეტენციის გარეშე ხდება მთავარსარდალი და მის მოქმედებას ფაქტობრივად აღარ ექნება ეფექტურობა“, - განაცხადა გიორგი მარგველაშვილმა.