ქვემო ქართლის გუბერნატორის პოსტი დღეიდან ვაკანტურია. თითქმის სამწლიანი მუშაობის შემდეგ პაატა ხიზანიშვილმა თანამდებობა დატოვა. უკვე ყოფილი მაღალჩინოსანი პოსტიდან წასვლას საკუთარ გადაწყვეტილებად აცხადებს და საქმიანობის გაგრძელებას სახელმწიფო დაცვის სპეციალურ სამსახურში გეგმავს. წინა პრემიერის დროს დანიშნული ხიზანიშვილის შემცვლელის ვინაობა ჯერ უცნობია.
-გაგრძელდება თუ არა მოახლოებული თვითმმართველობის არჩევნების წინ საკადრო ცვლილებები სხვა რეგიონებშიც: ამ კითხვით დღეს ,,მოამბემ” რამდენიმე გუბერნატორს მიმართა.
შედარებით თამამ განცხადებებს აკეთებენ საპარლამენტო უმრავლესობის წევრები. მმართველი გუნდის ერთ-ერთი ლიდერი არ გამორიცხავს, რომ შესაძლოა მინისტრთა კაბინეტის დღევანდელი შემადგენლობაც შეიცვალოს. გარკვეული მინიშნებები ცვლილებების დროზეც კეთდება.
ქეთი ქაშაკაშვილის სიუჟეტი.