დღეს შვეიცარიის ქალაქ ნიონში უეფას ჩემპიონთა ლიგის და ევროპის ლიგის ნახევარფინალური ეტაპის კენჭისყრა ჩატარდა. წილისყრის შედეგად, ევროპის ყველაზე პრესტიჟული საკლუბო ტურნირის ფინალის საგზურის მოპოვებისთვის მადრიდის "რეალი" თანაქალაქელ "ატლეტიკოს" დაუპირისპირდება, ხოლო ტურინის "იუვენტუსი" ფრანგულ "მონაკოსთან" გაარკვევს ურთიერთობას.

პირველი ნახევარფინალები, 2და 3 მაისს შედგება, განმეორებითი შეხვედრები კი 9 და 10 მაისს ჩატარდება. შეგახსენებთ, რომ წლევანდელი ლიგის ფინალი, 3 ივნისს კარდიფში შედგება. რაც შეეხება ევროპა ლიგას, აქ "მანჩესტერ იუნაიტედი", ვიგოს "სელტას" დაუწყვილდა, ამსტერდამის "აიაქსი" კი ფრანგულ "ლიონს".