სუფთად ევროპისკენ - ამ სლოგანით საქართველო დედამიწის საერთაშორისო დღეს შეუერთდა. გარემოს დაცვის სამინისტროს ინიციატივით დღეს დასუფთავების კვირეული დაიწყო, რომელმაც სტარტი ლისის ტბის მიმდებარე ტერიტორიიდან აიღო.

მასში სამინისტროს თანამშრომლები, მოხალისეები და სტუდენტები მონაწილეობენ. აქციას უერთდება შერიგებისა და სამოქალაქო თანასწორობის საკითხებში სახელმწიფო მინისტრის აპარატი.

ქეთევან ციხელაშვილმა ეთნიკური უმცირესობების წარმომადგენელ ახალგაზრდებთან ერთად ტოლერანტობის სკვერში „წითელ წიგნში“ შეტანილი კოლხური ბზის ნერგები დარგო.

დედამიწის საერთაშორისო დღის აღსანიშნავად ვაკის პარკში ღონისძიება გამართა ამერიკის საელჩომ.