დიმიტრი ქუმსიშვილი შეერთებულ შტატებში ვიზიტს განაგრძობს. ევროპის საინვესტიციო ბანკის მიერ საქართველოში საკრედიტო პორტფელის გაზრდის საკითხები განიხილეს საქართველოს ფინანსთა მინისტრის და აღნიშნული ბანკის ვიცე-პრეზიდენტის შეხვედრისას.

მხარეებმა მთავრობის 4-პუნქტიან გეგმასა და მისი განხორციელების პროცესში ევროპის საინვესტიციო ბანკის ჩართულობის მნიშვნელობაზე ისაუბრეს. აღინიშნა, რომ ბანკი მხარს უჭერს გეგმის სივრცითი განვითარების კომპონენტს. ევროპის საინვესტიციო ბანკი 2017 წელს დამატებით, 250 მლნ ევროს ოდენობის რესურსის გამოყოფას გეგმავს.