ქვეყნის მთავარი კანონის კორექტირების საკუთარი, ალტერნატიული შეთავაზება აქვთ მესამე სექტორის წარმომადგენლებს. მათ საარჩევნო სისტემაში განსახორციელებლი ცვლილებების 2 ვარიანტი წარადგინეს.

პირველი ვერსია გულისხმობს ბარიერის 3%-მდე დაწევას. მანდატები კი პროპორციულად გადანაწილდება ყველა იმ პარტიაზე, რომელიც ბარიერს გადალახავს, გამარჯვებული სუბიექტისთვის მცირედი უპირატესობის მინიჭებით.

მეორე მოდელი კი, 3%-მდე დაწეულ ბარიერთან ერთად ითვალისწინებს გაუნაწილებელი მანდატებიდან გამარჯვებული პარტიისთვის იმდენის მიკუთვნებას, რამდენიც მას სჭირდება საკუთარი შემადგენლობის 80 დეპუტატამდე შესავსებად, რათა მან დააკომპლექტოს მთავრობა. დარჩენილი მანდატები კი განაწილდება სხვა პარტიებს შორის.