განვითარებული ქვეყნების პენსიონერი მოქალაქეები საერთაშორისო პასპორტს აქტიურად იყენებენ. მოგზაურობა მათი ერთ-ერთი ყველაზე საყვარელი საქმიანობაა.
საქართველოს სახალხო დამცველის 2016 წლის ანგარიშით კი, ჩვენთან ხანდაზმულები ერთ-ერთ ყველაზე დაუცველ ჯგუფს წარმოადგენენ. არათუ საზღვარგარეთ მოგზაურობა, ხშირად მოხუცებს სახლიდანაც კი უჭირთ გასვლა.
ომბუდსმენი საკუთარ ანგარიშში ყურადღებას რამდენიმე პრობლემურ მიმართულებაზე ამახვილებს. სოციალურ-ეკონომიკური მდგომარეობა, ძალადობა, მიზნობრივი პროგრამების არ არსებობა.
პრობლემა ბევრია, თუმცა საბედნიეროდ არიან მოქალაქეები რომლებიც საკუთარ თავთან ერთად, სხვებზეც აქტიურად ზრუნავენ. ამის ჯერჯერობით ერთადერთი კარგი მაგალითი ქობულეთში მოქმედი ასოციაცია ღირსეული სიბერეა. ის თავის დროზე 85 წლის ტატიანა სირაძემ დააფუძნა და ახლა ევროკავშირის დაფინანსებით უზრუნველყოფს ხანდაზმულების აქტიურ ცხოვრებას.
ქობულეთში ქეთევან ბერაია და გიორგი ჯაფარიძე ჩავიდნენ.