აპრილი 24, 2017
283
საფრანგეთში არჩევნების პირველი ტურის წინასწარი შედეგების გამოცხადებას, ქვეყნის რამდენიმე ქალაქში არეულობა მოჰყვა.
შედეგებით უკმაყოფილო მოქალაქეები ქუჩებში გამოვიდნენ და ცენტრისტი ემანუელ მაკრონის და ულტრამემარჯვენე მარინ ლე პენის მეორე ტურში გადასვლა გააპროტესტეს.
პარიზის ცენტრში დემონსტრანტებმა პოლიციას კვამლის ყუმბარები და ბოთლები დაუშინეს, საპასუხოდ სამართალდამცველებმა ცრემლსადენი გაზი გამოიყენეს.
არეულობის შედეგად პოლიციამ სულ მცირე სამი ადამიანი დააკავა. შემთხვევის შედეგად დაშავდა აქციის ერთი მონაწილე.
საპროტესტო აქციები გაიმართა ქვეყნის ჩრდილოეთით, ქალაქ რენსა და რუანიში.
მაჩვენე მეტი