არასაპარლამენტო ოპოზიციის საკოორდინაციო საბჭოს წევრები საზოგადოებრივი მაუწყებლის მეორე არხზე გადაცემის ბრიფინგის დრო ფორმატის ცვლილებას აპროტესტებენ.
საბჭოს წევრის გიორგი ახვლედიანის განცხადებით, ამ გადაცემის დახმარებით, პოლიტიკურ პარტიებს საზოგადოებასთან პირდაპირი კომუნიკაციის საშუალება ჰქონდათ, არსებული ფორმატის შეცვლა კი მისი თქმით, გადაცემის დახურვას ნიშნავს.
15 პოლიტიკური პარტიისგან შემდგარი საკოორდინაციო საბჭო მაუწყებელში მიმდინარე პროცესების შეჩერების მოთხოვნით საზოგადოებრივ მაუწყებელთან საპროტესტო აქციების გამართვასაც გეგმავს.
ოპოზიციური პარტიების პროტესტს საზოგადოებრივი მაუწყებლის მიმდინარე და ახალი ამბების დირექტორი გიორგი გვიმრაძე გამოეხმაურა. მისი განმარტებით, გადაცემა ბრიფინგის დრო არ დახურულა და მხოლოდ არსებული ფორმატის ცვლილება მოხდა.
გიორგი გვიმრაძის განცხადებით, პარტიებს ნებისმიერ დროს საშუალება ექნებათ საზოგადოებრივ მაუწყებელს მიაწოდონ მათ მიერ გადაღებული მასალა. ასევე, სასურველ თემაზე ბრიფინგის ჩასატარებლად გამოიყენონ მაუწყებლის პრესკლუბი, რომელიც პარტიებისთვის ყოველთვის ხელმისაწვდომი იქნება.
საინფორმაციო სამსახური კი პარტიების აქტივობებს კვლავ გააშუქებს