სააქციო საზოგადოება „ყაზტრანსგაზმა“ კომპანია „ყაზტრანსგაზმა თბილისზე“ კონტროლის დაბრუნების მიზნით, საქართველოს მთავრობას საარბიტრაჟო სასამართლოში უჩივლა.

ამის შესახებ abctv.kz წერს.

როგორც „ყაზმუნაიგაზის“ მმართველი საბჭოს თავმჯდომარე საუატ მინბაევი აცხადებს, საარბიტრაჟო პროცესი ხანგრძლივია.

„საარბიტრაჟოი პროცესი ხანგრძლივია. შესაძლოა მოლაპარაკება შედგეს, შესაძლოა პროცესი გაგრძელდეს.წინასწარ პროგნოზის გაკეთება რთულია“,- აცხადებს საუატ მინბაევი.

ამასთან, სადაო თანხა 180 მილიონ დოლარს შეადგენს.

2016 წლის გაზაფხულზე „საქართველოს ინდუსტრიულმა ჯგუფმა“ „ყაზტრნასგაზ თბილისის" შეძენის სურვილი გამოთქვა.

ყაზახური მხარე პრობლემური კომპანიის გაყიდვის იმედს გამოთქვამდა, თუმცა შეთანხმება როგორც ჩანს, ვერ შედგა.

ცნობისათვის, „ყაზტრანსგაზ თბილისში" დროებითი მმართველი 2009 წლის 16 მარტს დაინიშნა.

მაშინ სემეკმა აღნიშნა, რომ კომპანიას 80 მილიონ ლარზე მეტი კრედიტორული დავალიანება ერიცხება, მათ შორის, 68 მილიონი ლარი მიღებული ბუნებრივი გაზისათვის საქართველოს ნავთობისა და გაზის კორპორაციის მართებდა.

მრავალწლიანი მოლაპარაკებები მხარეებს შორის ამ დრომდე უშედეგოა.