გამარჯვებული ქართველი ძიუდოისტები პოლონეთიდან დაბრუნდნენ. ვარშავა-თბილისის რეისი ცოტა ხნის წინ დაეშვა. საქართველოს ძიუდიოსტთა ნაკრების წევრებს თბილისის საერთაშორისო აეროპორტში გულშემატკივრები დახვდნენ.

საქართველოს ძიუდიოსტთა ნაკრები კონტინენტის ჩემპიონი მეცხრედ გახდა. ქართველმა ძიუდოისტებმა პოლონეთში გამართულ ევროპის ჩემპიონატზე, ბოლო სათამაშო დღეს, ფინალურ შეჯიბრებაში რუსეთის ნაკრები კიდევ ერთხელ დაამარცხეს და ევროპის ჩემპიონის ტიტული მოიპოვეს.

ჩემპიონატის პირველ წრეში კი საქართველოს ნაკრებმა იტალიის გუნდი 4-1 დაამარცხა. ანალოგიური ანგარიშით აჯობეს ქართველმა ძიუდოისტებმა სერბეთის ნაკრებსაც. ნახევარფინალში უკრაინელები საქართველოსთან ანგარიშით 3:2 დამარცხდნენ.

ვარშავაში მიმდინარე ძიუდოს ევროპის ჩემპიონატზე საქართველოს ნაკრებმა გუნდურ პირველობაში ოქროს მედალი მოიპოვა.

ჩემპიონის ტიტულთან ერთად, საქართველოს ნაკრებმა ოქროსა და ბრინჯაოს მედლების მოპოვებაც შეძლო. გურამ თუშიშვილისა და რენატ საიდოვის გადამწყვეტი ორთაბრძოლა თუშიშვილის ტრიუმფით დასრულდა. მან მეტოქე იპონზე დააგდო და ჩვენს გუნდს ოქროს მედლები მოაპოვებინა. ვერცხლის მედალს ადამ ოქრუაშვილი დაეუფლა, ხოლო ბრინჯაოს მედალი 90 კილოგრამ წონით კატეგორიაში ბექა ღვინაიშვილმა მოიგო.