სტრასბურგში საქართველოს საკონსტიტუციო ცვლილებების პროექტიც განიხილება. ამ წუთებში ოპოზიციის წარმომადგენლები ვენეციის კომისიის მდივანს საკუთარ შენიშვნებს აცნობენ.

ტომას მარკეტმა უკვე მოუსმინა ,,ქართული ოცნების” წევრებს. კომისიასთან აქტიურ კომუნიკაციას გეგმავენ არასაპარლამენტო პარტიებიც, რომლებიც სადავო პროექტის საჯარო განხილვებშიც აპირებენ ჩართვას.

უზენაეს კანონში შესატან ცვლილებებს კიდევ ერთხელ აკრიტიკებს პრეზიდენტიც, რომლის აზრით, შეთავაზებული პროექტით ყალიბდება ფსევდოსაპარლამენტო მმართველობა და უფუნქციოდ რჩება პრეზიდენტი. მოსალოდნელი ცვლილებების გარშემო აზრი ორად არის გაყოფილი მესამე სექტორში.