საქართველოს ამერიკის ერთ-ერთი ყველაზე მსხვილი ფინანსური დახმარების პროგრამით გათვალისწინებული დაფინანსება შესაძლოა შეუმცირდეს.
ინფორმაციის წყარო “ფორინ პოლისის“ მიერ მოპოვებული საიდუმლო დოკუმენტია, რომლის მიხედვით, საერთაშორისო განვითარების სააგენტოს ბიუჯეტი პროგრამაში ჩართული ყველა განვითარებადი ქვეყნის მიმართ შემცირდება.
საქართველოს შემთხვევაში საუბარია ბიუჯეტის 41%-იან კლებაზე. ეს არის დონალდ ტრამპის ინიციატივა, რომლის პრიორიტეტი ქვეყნის თავდაცვის ბიუჯეტის ზრდა და გამოთავისუფლებული თანხების სწორედ ამ მიზნით მობილიზებაა.
ყოველწლიურად ჩვენი ქვეყანა USAID-სგან სხვადასხვა პროექტის განსახორციელებლად 40 მილიონამდე დოლარის ოდენობის დახმარებას იღებს. ამერიკული პროგრამის ბიუჯეტის შემცირება ახლა კონგრესის გადაწყვეტილებაზეა დამოკიდებული.