ოპოზიციას გარემოს დაცვის მინისტრის მიმართ ხეების ჭრასთან დაკავშირებით შეკითხვები აქვს. პარლამენტში გიგლა აგულაშვილის გამოსვლის შემდეგ „ევროპული საქართველოს“ წარმომადგენელი ელენე ხოშტარია დაინტერესდა, რამდენად იყო მინისტრი ინფორმირებული თბილისში ხეების ჭრასთან დაკავშირებით.

ხოშტარიამ მინისტრს ასევე ჰკითხა, უნდა ხდებოდეს თუ არა ქალაქში ქვის თლა, რაც ჰაერის დაბინძურებას იწვევს.

პასუხად გიგლა აგულაშვილმა განაცხადა, რომ ხეები მხოლოდ სანიტარიული მიზნებით იჭრება.

გარემოს დაცვის მინისტრმა დღეს გარემოს დაცვისა და ბუნებრივი რესურსების საპარლამენტო კომიტეტის სხდომაზე ჰაერის დაბინძურების შესახებ ისაუბრა.