რუსი ჰაკერები საფრანგეთის პრეზიდენტობის კანდიდატის, ემანუელ მაკრონის წინასაარჩევნო შტაბის კომპიუტერებზე კიბერთავდასხმებს ახორციელებენ,- ამტკიცებენ კიბერუსაფრთხოების სფეროს ექსპერტები.
კერძოდ, კომპანია “ტრენდ მიკროს” თანამშრომლის განცხადებით, თავდასხმის უკან იგივე ჯგუფი დგას, რომელმაც შეერთებული შტატების დემოკრატიული პარტიის ოფისის კომპიუტერებში შეაღწია.
ამჯერად ისინი ემანუელ მაკრონის შტაბის სერვერებიდან ცდილობენ ინფორმაციის, პაროლების, დოკუმენტებისა და მიმოწერის მოპოვებას.
კიბერთავდასხმის ფაქტებს ადასტურებს საფრანგეთის კიბერუსაფრთხოების სააგენტოს წარმომადგენელიც. თუმცა დაზუსტებით ვერ ასახელებს კიბერთავდამსხმელთა წარმომავლობას.
მაკრონის შტაბის წარმომადგენლის განცხადებით, ისინი მზად იყვნენ მსგავსი შეტევებისთვის და ამ ეტაპზე ბოროტმოქმედებს რაიმე სახის კონფიდენციალური ინფორმაცია არ მოუპოვებიათ.