სახელმძღვანელოების გრიფირების ახალი წესში განათლების სამინისტრომ 200-მდე ახალი ცვლილება შეიტანა. თუმცა უწყებაში აცხადებენ, რომ ეს დოკუმენტის საბოლოო ვარიანტი არ არის და დარგის სპეციალიტებსა და წიგნების საგამომცემლო ორგანიზაციებს მის განსახილველად ღია დისკუსიაში იწვევენ.

მინისტრის მოადგილე თემურ მურღულიას თქმით, გრიფირების წესში ახალი ცვლილებები ინტელექტუალური საკუთრების დაცვისა და ავტორებისთვის ჰონორარების გადახდის კუთხითაც შევიდა. თუმცა სამინისტროს გადაწყვეტილებას განათლების ექსპერტთა ნაწილი არ იზიარებს.