“დინამო თბილისი" საქართველოს თასის გათამაშების მეოთხედფინალში ითამაშებს. კახა კაჭარავას გუნდმა დღეს მარტვილში წყალტუბოს "სამგურალი" ანგარიშით 2-0 დაამარცხა და მომდევნო ეტაპის საგზური მოიპოვა.

თბილისელთა შემადგენლობიდან ანგარიში 30-ე წუთზე ბექა მიქალთაძემ გახსნა. მეორე ტაიმში კი ბაჩანა არაბულმა თერთმეტმეტრიანი დარტყმით, თამაშის საფინალო შედეგი დააფიქსირა.

დღესვე თბილისის "შევარდენმა" ლანჩხუთის "გურიას" 2-0 აჯობა. მერვედფინალის კიდევ ერთი შეხვედრა 20 საათზე დაიწყება, რომელშიც ქუთაისის "ტორპედო" "სამტრედიას" მიიღებს.

მეოთხედფინალური ეტაპის წილისყრა პარასკევს ჩატარდება