ეროვნული უსაფრთხოების ინტერესებიდან გამომდინარე და მქადაგებელ ფეთჰულა გიულენთან შესაძლო კავშირის საბაბით, თურქეთის პოლიციამ 9 000-მდე სამართალდამცველს უფლებამოსილება შეუჩერა, ათასზე მეტი კი დააპატიმრა.

შინაგან საქმეთა მინისტრის განცადებით, აღნიშნული პირები გიულენის საიდუმლო იმამები არიან, რომელთაც თურქეთის სამართალდამცველთა რიგებში შეღწევა შეძლეს. ეს ბოლო პერიოდში განხორციელებული ყველაზე ფართომასშტაბიანი რეიდია. 2016 წლის ივლისის სამხედრო გადატრიალების მცდელობის შემდეგ, თურქეთის ხელისუფლებამ 40 ათასზე მეტი ადამიანი დააკავა, 120 ათასზე მეტი კი სამსახურიდან დაითხოვა.