ჯანდაცვის მსოფლიო ორგანიზაციის მიერ შემუშავებული ახალ რეკომენდაციებს, რომელიც ორსულებსა და ახალშობილებს ეხება, ჯანდაცვის სფეროს წარმომადგენლები განიხილავენ.
როგორც ჯანდაცვის მინისტრის მოადგილემ ნინო ბერძულმა აღნიშნა, განახლდა 39 ახალი რეკომენდაცია და შეხვედრაზე ამ რეკომენდაციების განხილვის შემდგომ მოხდება მათი ასახვა ქვეყნების შიდა სტანდარტებში.
რაც შეეხება ახალ რეკომენდაციებს, რომელიც ჯანდაცვის მსოფლიო ორგანიზაციამ შეიმუშავა ნინო ბერძულის თქმით, ერთ-ერთი ეხება ფოლიუმის მჟავისა და რკინის შემცველი პრეპარატების მიღების ვადებს ორსულებში.
"თუ ძველი რეკომენდაციის მიხედვით ფოლიუმის მჟავას 12 კვირამდე ორსულობის პერიოდში იღებდნენ, ასევე რკინის შემცველ პრეპარატს მხოლოდ ანემიის დიაგნოზისას, ახალი რეკომენდაციების მიხედვით, მათი მიღება აუცილებელი იქნება ყოველდღიურად მთელი ორსულობის მანძილზე“, - განაცხადა ნინო ბერძულმა.
შეხვედრას 12 ქვეყნის დარგის სპეციალისტი და საერთაშორისო ექსპერტი ესწრება.