საქართველოს მოლდოვის რესპუბლიკის ბიზნესდელეგაცია ეწვია, რომელსაც მოლდოვას რესპუბლიკის რეგიონული განვითარებისა და მშენებლობის მინისტრი ხელმძღვანელობს. ისინი მონაწილეობენ საქართველო-მოლდოვის ბიზნესფორუმში, სადაც 40-მდე კომპანიის წარმომადგენელს საშუალება ექნება პირისპირ გამართონ მოლაპარაკებები სამომავლო თანამშრომლობასთან დაკავშირებით.

მოლდოვის ბიზნესდელეგაციაში 10 კომპანია შედის, რომლებიც, ძირითადად, წარმოადგენენ სასოფლო-სამეურნეო, ინფორმაციული ტექნოლოგიების, ტურიზმის და სამშენებლო კონსტრუქციების სფეროებს.

ეკონომიკის მინისტრის მოადგილის ინფორმაციით, დღის განმავლობაში დაგეგმილია მხარეებს შორის 5ო- მდე შეხვედრა. ხვალ კი ეკონომიკური კომისიის სხდომა გაიმართება, რომელსაც ეკონომიკის მინისტრიც დაესწრება.