ბათუმის 11-12 მარტის მოვლენებთან დაკავშირებით დაკავებული ირაკლი ჩხვირკიას ადვოკატმა, პატიმრობის შესახებ ბათუმის საქალაქო სასამართლოს გადაწყვეტილება სააპელაციოში გაასაჩივრა.
ადვოკატის განცხადებთ, სააპელაციო სასამართლომ სარჩელი 78 საათში უნდა განიხილოს. იგი ჩხვირკიას დაკავების პოლიტიკურ მოტივებზე ამახვილებს ყურადღებას და აცხადებს, რომ სასამართლომაც პოლიტიკური გადაწყვეტილება მიიღო, რადგან საქმეში მისი დაცვის ქვეშ მყოფის ბრალეულობა არ იკვეთება.
ბათუმის საქალაქო სასამართლოს გადაწყვეტილების გასაჩივრებას გეგმავს მერაბ ღოღობერიძის ადვოკატიც.
ირაკლი ჩხვირკიას და მერაბ ღოღობერიძეს ბათუმის საქალაქო სასამართლომ აღკვეთის ღონისძიების სახით პატიმრობა 25 აპრილს შეუფარდა.
11-12 მარტის ბათუმის მოვლენების გამო აღძრულ სისხლის სამართლის საქმეზე პატიმრობაში 20 პირია.